Duyan

Simpleng buhay lang ang maipapangako ko..

Isang bahay, katamtamang buhay at isang duyan..

Walang masyadong karangyaan, payak at hindi kumplikado..

Sa bawat pag-ikot ng oras, paggalaw ng araw..

Sa bawat pagsilang ng bagong umaga..

Hanggang sa pagbangon ng buwang walang kasing tapat..

Ang tanging hangad kapiling ka sa pagsayaw ng duyan..

Dito tayo gagawa ng mga sandali..

Dito tayo mahihimbing malayo sa masalimuot at madayang mundo..

Sa bawat pag-ugoy, nakaraan at kinabukasan ay ating susulyapan..

Dito iikot ang ating buhay..

Dito tayo mag-aaway, magkukulitan, hahalakhak, iiyak at mag-aakapan..

Masasaksihan natin ang bawat pagbitaw at pagsibol ng mga dahon..

Kikiligin tayo sa bawat ibong nag-iibigan..

At malalanghap natin ang iba't-ibang uri ng simoy ng panahon..

Dito sa duyan na ito tayo tatanda..

Dito sa duyan na ito lilipas ang lahat, mabubuo at tatag ang lahat ng tungkol sa atin..

Dito tayo magsisimula, mangagarap at mangangako..

Pag-uusapan natin ang kahit na pwedeng pag-usapan..

Di bale ng may kwenta o wala, ang mahalaga sa bawat pagbigkas ng ating mga bibig..

Ay nagtatama at nag-uusap ang ating mga mata ng masinsinan..

Dito sa duyan na ito..

Kung saan tunay at purong pagmamahal lang ang mararamdaman..

Oo, dito sa duyan na ito..

Kasama ka..

Palarer Yunibers

May pinapanood akong..

Series ngayon..

Hindi naman ako mahilig..

Sa mga ganun..

Kase sa totoo lang..

Hindi ko nakakaptyur..

Lahat ng mga dayalog..

Nung mga naglalaro..

Sa kwento..

Minsan nga..

May episode na..

Natapos na lang..

Eh hindi ko pa na-gets..

Yung buong istorya..

Siguro..

Kung pagagawin ako..

Ng reaction paper..

O kaya summary na lang nung kwento..

Title lang ang maisusulat ko..

Sa kopun band..

With matching margin..

Na nakatupi..

Side-by-side..

Bottom and top..

Hmmnn..

Pero etong isang 'to..

Parang nahuhumaling ako..

Ulit..

Hindi ko na-gegets lahat..

Pero hindi naman ako..

Ganun ka-slow..

Para hindi ko maintindihan..

Yung iba..

Merong episode..

Na parang napaisip ako..

Habang pinapanood ko..

Yung episode na..

Kung saan inintrodyus..

Yung konsepto..

Nung parallel universe..

Ang ibig sabihin daw nyan..

Batay sa palabas..

Na pinapanood ko..

Yan daw yung..

May iba pang yunibers..

Na nag-eeksist..

Maliban sa yunibers..

Na meron tayo..

At sa bawat yunibers daw na yun..

Ay may eksaktong bersyon..

Ang bawat isa sa atin..

At habang pinapanood ko..

Yung palabas..

Napansin ko..

May iba't-ibang kwento..

Ng buhay..

Ang bawat..

Eksaktong bersyon..

Sa bawat yunibers..

Halimbawa..

Artista ka sa yunibers natin..

Pero sa ibang yunibers..

Isa ka lang..

Sa mga fans..

Ko..

(aherms! halimbawa lang naman..

Pagbigyan mo na..)..

O kaya..

Silent type ka dito sa yunibers natin..

Pero sa ibang yunibers..

Ikaw ang dahilan..

Nung pagkalat nung tsismis..

Na bading daw si..

(Hindi na ako magne-name drop..)..

Yung mga ganung halimbawa..

Tas yun..

Habang nakaharap..

Sa laptop..

At pinipilit intindihin..

Yung palabas..

Napaisip ako..

Pano kung totoo yung..

Sinasabi nung palabas..

Pano kung..

Sa ibang yunibers..

Eh..

Sobrang gwapong..

Artista daw ako..

?

Ano magiging reaksyon mo..

Sa kayabangan ko ngayon?

Pero dyowk lang!

Hindi..

Ganito kase..

Sa totoo lang..

Ikaw ang naiisip ko..

Habang nanonood..

At yung labstory na..

Binubuo natin ngayon..

Pano kung sa ibang yunibers..

Eh miski maging magkaibigan..

Eh hindi tayo naging ganun?

Anlungkot noh..

Tas dun sa ibang yunibers daw na yun..

Eh ansungit-sungit mo..

Suplada ka daw..

Tas si Ako..

Hanggang pangarap..

Ka lang daw..

Yung tipong nakatingala pa..

Sa mga bituin..

At sinusubukang..

Pagdugtung-dugtungin..

Ang bawat tala..

Yung tipong konekdadats na laro..

Para lang gawin..

Ang imahe nung mukha mo..

Nangangarap na..

Magkros yung landas natin..

Kunyare..

Tulad nung mga teleserye..

Magkakabanggaan daw tayo..

Tas dun si Ako..

Magkakaron ng tsans..

Na makilala ka..

Tas parang tyora ng Bigbang..

Dun magsisimula ang lahat..

"Sorry" muna..

Tas "hi"..

Tas sabay hingi ng selpon namber..

(Style ng mga lalake)..

Tas teksmeyt muna..

"Kain na u.."..

"Take care u.."..

"Good night.."..

"Sweet dreams.."

"I miss u.. jejeje!"..

Tas paramdam na..

Tas aminan na..

Tas ligaw na..

Tas yung happy ending na..

Magiging kayo ni Ako..

Tas..

Hindi pa pala..

Ending..

Sa part 2..

Magkakaroon kayo..

Ng family..

Tas magkakaanak..

Tas yung tipong...

May skedyul kayo..

Weekly..

Na mamamasyal sa luneta..

Na magmomovie marathon..

Na magpi-picnic..

Na magsisimba..

Na magkakasama..

Buong pamilya..

Yung mag-aaway kayo..

Sa iskedyul..

Nung pagtitimpla nung..

Gatas nung anak nyo..

Yung mapupuyat kayo..

Dahil..

Ayaw matulog..

At ngawa ng ngawa..

Ang baby nyo..

Tas dahan-dahan..

Sinusubaybayan..

At pinapanood nyo..

Yung bawat paglake't..

Pag-unlad nung..

Mga mga anak nyo..

Yung magiging proud kayo..

Kase taon-taon..

May medal yung anak nyo..

"Most helpful"..

Tas yung hanggang sa..

Magbinata't..

Magdalaga..

Magkasyota..

Magka-asawa..

Tas yung hanggang sa..

Magka-apo kayo..

Yung may magmamano na sa inyo..

Yung may tatawag na sa inyo ng..

"Granny"..

(Kase gusto nyo sosyal)..

Tas yung hanggang sa magreretire..

Na kayo sa trabaho..

Kase nirarayuma na kayo..

Yung hanggang..

Sa pumuti na..

Na lahat ng buhok..

Nyo't..

Mapanot..

Yung bawal na ang pork..

Bawal na ang beans..

At paunahan na kayong..

Maubos ang ngipin..

At gilagid na lang..

Ang ginagamit nyo..

Sa pag-nguya..

Ng magkasama..

Lahat ng mga yun..

Nasa isip pa lang..

Ni Ako..

Nilalaro't..

Nialalagyan pa ng iba't-ibang detalye..

Detalyeng..

Punum-puno ng pagmamahal..

At kilig..

Lahat ng mga yun..

Pangarap pa lang..

Ni Ako..

.

Kaya naisip ko't..

Napagtanto..

Ako na ang pinaka-mapalad..

Na bersyon ng sarili ko..

Kase..

Silang lahat na bersyon ko..

Sa ibang yunibers..

Malamang..

Hindi ka kilala..

O mas worst pa..

(mas na, worst pa)..

Pinapangarap ka lang nila..

At inaasam-asam..

At napag-isip-isip ko din..

Oo, mabagal akong maka-gets..

Pero eto..

Na-gets ko..

Na sa lahat ng bersyon..

Ako lang ang nabigyan..

Ng perpektong tsans..

Para makilala ka't..

Makasama ka't..

Mahalin ka't..

Mahalin mo din ako..

Ansarap sa feeling na ako..

Yung bersyon ko..

Yung gumagawa ng ewan na..

Artikol na 'to..

O sige, reaction paper na lang..

Reaction paper ng labstory natin..

Eh nararanasan na..

Yung pangarap lang..

Ng ibang bersyon ko..

At eto..

Pangako..

Marami man ang bersyon ko..

Malamang may bersyon ko din..

Na sinasaktan ka lang..

Pero ang bersyon..

Na meron ka ngayon..

Sa yunibers natin..

Oo, ang bersyon na meron ka..

Eh medyo sablay minsan..

Pero..

Ako ang bersyon..

Na gagawin ang lahat..

Para tuparin..

Ang mga pangarap..

Na nilalaro lang..

Sa isip..

At kinukulayan..

Ng mga nakakakilig na detalye..

Ng bersyon ko sa ibang yunibers..

Na pinangalanang kong..

Si Ako..

Oo..

Binubuo pa lang natin..

Ang labstory natin..

Pangako..

Itutuloy ko 'to..

Hanggang sa rayumahin na tayo't..

Andami ng masasakit sa iba't-ibang bahagi ng katawan..

Pangako..

Sa eksaktong yunibers na 'to..

Na tinutungtungan mo..

Makikita mo..

Ang eksaktong bersyon ko..

Sa bawat paggising mo..

Sa umaga'ng..

Proud na proud..

Na nakanganga't..

Tulog pa't..

Nakabuyangyang ang..

Magkabilang..

Gilagid.

Pangako..

Eto ang magiging..

Eksaktong yunibers..

Na may perpektong bersyon..

Ng labstory natin..

P.S..

Bulol ang taytel..

Pansin mo?

;)

One Way Telepathy

Pst!

Alam mo bang..

Kaharap kita..

Ngayon?

At..

Hanggang ngayon..

Eh..

Patay na patay pa rin..

Ako sayo..

?

At hanggang ngayon eh..

Wala kang kamalay-malay..

Na kinakausap na pala kita..

Sa titig..

At nangangarap na..

Sana nga eh..

Kausap kita..

Ops..

Naknang!

Napatingin ka..

Naabutan mokong..

Nakatitig sayo..

Buti na lang..

May talent 'tong kilay kong..

Umakyat-baba..

Lalo na pag nahuhuli mong..

Nagnanakaw ng sulyap..

Sayo..

Ewan ko kung anong meron..

Sa pag-akyat-baba na 'to..

Basta ang alam ko..

Natural kong reaksyon yun..

Para makalusot..

O sige..

Hindi na lang para makalusot..

Kundi..

Para mangumusta..

Parang ganito..

"Kumusta?"..

Ng walang lumalabas..

Na salita..

Sa bibig..

Ganun na lang..

Para may kabuluhan..

Tas yun..

Sasagutin mo naman ako ng..

Ganito..

Ewan ko..

Pero..

Ugali mo na sigurong..

Kunyare..

Magsusungit sa nakatingin sayo't..

Bigla namang ngingiti..

Tsk!

Yan na nga bang..

Sinasabi ko..

Ewan ko ba..

Sulyap pa lang..

Ng mga mata mong..

Ngumingiti..

Maygad!

Heaven!

Rainbow!

Angels!

Ano pang pwedeng sabihin..

Para ma-ekspleyn ko lang..

Ang nararamdaman ko?

Parang nagliliwanag..

Ang buong hapong..

Papadilim..

Basta..

Laglag ang panga ko't..

Puso't..

Nayayanig..

Ang katinuan ko..

Tsk!

Para akong yoyo..

na kahit anong..

tapon mo saken palayo..

O sige..

Ampanget ng salitang..

Ginamit ko..

Reject na lang..

San na nga ba tayo?

Yun..

kahit ilang ulit na akong..

Nanguli't..

Ni-reject mo..

Eh..

Bumabalik pa din ako..

Sayong..

Umaasa't..

Nangangarap..

Tsk!

Ano bang meron sayo?

At..

Bakit ganun na lang..

Ang pagkahumaling ko..

?

...

Pst!

Ingat..

Pauwi ka na pala..

Bukas ulet..

Kuripot

Tara..

Laro tayo..

Kunyare bibili ako..

Hulaan mo..

kung ano..

750..

Pesos..

Ang presyo..

Hindi damit..

Hindi gadyet..

Hindi bag..

Hindi sapatos..

Hindi jacket..

Hindi salwal..

Hindi pagkain..

Ano ito?

Sirit?

Bulaklak..

Tama ang nabasa mo..

Bulaklak na ewan ko..

At sabi pa ng ibang tao..

Iba ang epekto sa babae..

Yung tipong pakiramdam daw nila..

Ewan ko kung totoo..

Eh prinsesa silang binibigyan ng kanilang..

"Prince Charming"..

Pero sabi naman ng iba..

Ang bulaklak daw ang sumisimbolo..

Ng pagiging babae..

Malamang..

Siguro..

Isa pang pwedeng dahilan..

Eh babaeng-babae ang pakiramdam..

Ng babaeng nakakatanggap..

Ng bulaklak..

Pero teka..

Balik tayo sa presyo..

Opo..

Mga suki..

Totoo po yan..

Hindi kunyarian..

Tipong pang-HARI..

Ang halaga..

Na hindi ko mawari..

Kung anong meron sa bulaklak na yun..

Lalo na ngayong..

"SEASON" ng mga puso..

Ika nga ng mga bata, balentayms..

Para sa iba..

Ibang makapal ang wallet..

Eh ano ngayon..

750 LANG pala..

Sisiw..

Pero sa ibang..

Ibang hindi naman hibang..

Eh gagawin ang lahat..

Mang-snats..

Mang-holdap..

Mangupit..

Mandugas..

Mangutang..

Magtipid..

Wag mananghalian..

Mag-side line..

Magbenta't mag-sanla ng kung anu-ano..

Relo..

TV..

Plantsa..

Cellphone..

At iba pa..

Para lang makabili..

Ng bulaklak..

Na kung aabangan mo..

Hindi pa mag-iisang linggo..

Maninilaw..

Malalaya..

Malalagas..

At mamamatay din ang mga talulot nito..

Tama, gagawin ang lahat..

Para lang mapatunayan..

At ipakita sa iniirog..

O iniibig..

O darling..

O mahal..

O thart..

O pangga..

O anumang tawag dyan..

Na NAPAKA-romantiko nya..

Opo..

Ganun po kamahal ang pagiging romantiko..

Sa panahon natin ngayon..

Hay..

Pag-ibig nga naman..

Ops..

Teka lang..

Pag-ibig..?

Kaya ba tayo nagiging romantiko..

Dahil sa pag-ibig..?

So, kelangan ba nating bumili ng napakamahal ng bagay..

Tulad halimbawa ng..

Uhmm..

Wala akong ibang maisip..

Tulad ng bulaklak..

Para lang maging romantiko?

At maiparamdam ang pagmamahal natin..

Sa isang tao?

In short..

Mahal ba magmahal?

Ewan ko lang ha..

Pero..

Oo, magiging korni..

Pero tingin ko..

Ganito..

Ang setting: dim light..

Kase gabi na..

Pero pwede ring hapon..

Tas naglalakad kayong dalawa..

Habang "HHWW"..

Ehem!

Holding Hands While Walking..

At may pa-sway-sway pa..

Habang naghuhulihan ng mga sulyap..

Ng bawat isa..

Habang nag-uusap..

Ng kung anu-anong bagay..

Ng mga maliligayang sandali..

Ng mga bagay na hindi pa napag-uusapan..

Ng mga mithiin..

Ng mga pangarap..

Sa buhay..

Para sa isa't isa..

Habang pinaparamdam..

Ang kahalagahan sa isa't-isa..

Ang pag-ibig sa isa't-isa..
Ng walang halong..
Kunyarian..
At hindi laro-laro lang..

Sa ilalim ng mga nagkikislapang mga bituin..

Sa tabi ng dagat..

O kahit sa tabi na lang ng park..

O kahit sa bubong na lang ng bahay nyo..

Ngayon, may presyo ba akong nabanggit?

Libre po ang lahat ng yun..

Libre po ang oras..

Libre po ang sandali..

Libre po ang pagkakataong mag-usap kayo..

Magkwetuhan..

Mas makilala pa ang bawat isa..

Libre po ang iparamdam..

Ang iyong pagmamahal..

Lahat po yan libre..

Hindi ba parang MAS romantiko ang mga "libreng" yun..?

Kesa sa sangkaparisong..

Bulaklak?

Semi-transparent

Isang boteng..

Mountain dew..

At sandosenang isaw..

At barbekyu..

At sankaterbang..

Kanin..

At nag-uumapaw..

Na sawsawan..

Na kaysarap..

.

At isang..

Babaeng kaharap..

At maganda..

At maamo..

At syang dahilan..

Ng bawat..

Ngiti't..

Pagpaparaya ko't..

Pangangarap..

..

At ang lahat..

Ng yun ay..

Unti-unting..

Lumalabo..

At dumidilim..

At naglalaho..

...

At..

Napangingibabawan..

Ng bawat patak..

Ng ulan..

....

At unti-unting..

May naaninag..

Akong imahe..

At mukhang..

Walang laman..

Blanko..

At mga matang..

Tulala..

At 'di mawari..

Ang tinatanaw..

.....

At ibinabalik pala..

Ng hindi madamot..

Na salamin..

Ang sarili ko't..

Minumulat akong..

Maglakbay..

Sa katotohanan..

Habang..

Lulan..

Ng..

Bus.

Matt A. Nhong

Pano kung totoo pala..

Yung Atlantis..?

Pano kung may ginto pala..

Sa dulo ng bahaghari..?

Pano kung lahat ng isipin..

At gustuhin natin..

Eh nagkakatotoo..?

Pano kung isipin kita ngayon..

Dito sa piling ko..?

Kozinepek

Even the most beautiful..

And lovely flower dies..

When left unwatered..

And even the strongest fire..

Stops burning..

When deprived with fuel..

So does my heart..

That just feeds..

On love.

Abakada

A..

Alam mo bang..

Aba..

Abala ang puso ko..?

Abaka..

Abaka di mo alam..

Abakada..

Abakada tibok kaya nito ay para sayo..